ضل راجل و لا ضل حيطة !!!!!!!

استعرض الموضوع السابق استعرض الموضوع التالي اذهب الى الأسفل

ضل راجل و لا ضل حيطة !!!!!!!

مُساهمة من طرف HOGIR في السبت مايو 19, 2007 8:53 am

ضل راجل و لا ضل حيطة
*****
وقفت الست بهية على كوم عالى فى الجرن

وبدأت تخطب وسط الحريم المرصوصين على المصاطب :

قال بيقولوا ضل راجل ولا ضل حيطة ... ياختى بلا وكسة !

بذمتك عمرك سمعتى عن حيطة تقعد تشخر طول الليل وماتخلكيش تعرفى تنامى ؟

والا حيطة تدخل من باب البيت تجعر عايزة الغدا
وبعدين تطين عيشتك علشان الملح طلع زيادة فى البامية !

والا ممكن ترجعى البيت فى يوم تلاقى حيطة بتبوس الخدامة ؟

طيب شفتى حيطة تملا لك سقف البيت دخان ، وأرضيته سبارس !

والا حيطة تقعد تتنك عليكى وتقولك انتى رايحة فين وجاية منين !

والا حيطة تصحيكى فى نص الليل علشان معرفش إيه طلع فى دماغها !

والا حيطة تدوخك وراها علشان تشوفى هيه بتكلم مين فى التليفون بعد نص الليل !

طيب دى الحيطة معروف مكانها دايماً ، إنما المحروس يدوخك وراه علشان تعرفى
هو سهران فى أنهى داهية ... قال إيه ، عنده شغل ! ياسم !

بذمتك فيه حيطة تحاول تطلعك غلطانة فى كل كلمة تقوليها
علشان تثبت للعيال إن الحيطة بتفهم أحسن منك .

والا حيطة تلوى بوزها وتقعد بالفانلة والكلسون لما أمك تيجى تزورك
وتحبك معاها تحكى نكت عن الحموات !

والا حيطة تقعد تقولك ماتخرجيش بالفستان ده أحسن محزق عليكى
ولما تقولى لها هاتى فلوس علشان تشترى فستان غيره
تعمل ودن من طين وودن من عجين ، طيب دى حتى الحيطان لها ودان .

ياشيخة بلا قرف ... بلا نيلة ... الحيطة أجدع ، على الأقل مش حتتحبسى
لو فاض بيكى ونفذتى حلم كل الستات ... ودقيتى فى الحيطة مسمار !!!!!

_________________
اهلا وسهلا بيكم في منتدى
هـــــــــــــــــــ كررررررررــــــــــــــــــــــــــــــو


avatar
HOGIR
*+*+(بافي هوكر)+*+*
*+*+(بافي هوكر)+*+*

ذكر
عدد الرسائل : 411
العمر : 38
العنوان : sirya
تاريخ التسجيل : 20/04/2007

معاينة صفحة البيانات الشخصي للعضو http://hogir.niceboard.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى